Эмэгтэй сагсчид олон улсын тэмцээнээс анхны медалиа хүртлээ

ОУСБХ-ноос зохион байгуулсан 3эсрэг 3 сагсан бөмбөгийн аварга шалгаруулах анхдугаар тэмцээн Катарын нийслэл Доха хотод 2013.05.15-16-ны өдрүүдэд амжилттай явагдаж өндөрлөлөө. Тус тэмцээнд Азийн бүсийн 20 орны эрэгтэй, эмэгтэй нийт 25 баг оролцсоноос Монгол улсын эмэгтэй шигшээ баг мөнгөн медаль хүртэж, түүхэн амжилт гаргалаа.

БНХАУ-ын Хайяньд өнгөрсөн оны 6-р сард болсон  Азийн элсний спортын III их наадамд оролцсон баг тамирчид энэ удаагийн ФИБА 3х3 тэмцээнд явжээ.  Багийн бүрэлдэхүүнд:

Б.Алтанзаяа -1987 оны 1 сарын 26ны өдөр төрсөн. Биеийн өндөр 178 см. Азийн элсний наадмын 3Ч3 төрөлд тусгай байрын шагнал хүртэж байсан туршлагатай. Монгол улсын шигшээ багийн тамирчин. ХҮДС-ын шигшээ багаас сагсан бөмбөгийн гараагаа эхлүүлсэн. УАШТ болон бусад тэмцээнээс алт мөнгөн медаль хүртэж байсан манай улсын шилдэг эмэгтэй сагсчдын нэг юм.
Д. Ганзул- 1988 оны 2 сарын 7 ны өдөр төрсөн. Биеийн өндөр 169 см. Азийн элсний наадмын 3Ч3 төрөлд тусгай байрын шагнал хүртэж байсан. Монгол улсын шигшээ багийн гол тоглогчдын нэг.

10:49 - 2014-05-06 - Сэтгэгдэл бичих